glichzitig

iehr gsehnd richtig. eus gihts no! mier hend eus en langi (sehr langi) sommerpause gegönnt, sind jetzt aber wieder uuuumeee. wenn ehr wend wüsse was bi eus im sommer so gloffe esch, wies d eva inen fernsehshow gschafft het, i wellem pfarrer sini glogge d milena glüütet het und dass hpv ned en diagnose fürs lebe muess bedüte, denn loset doch die ersti folg vo dere zwoite staffle glichzitig. oh und slided id dm’s (oder schribet es mail 😅) mit euchne ruprik-vorschläg. lg, euchi unregelmässigi chaotischi lieblingspodcast.

hoi und tschüssss. mier sind churz zrug mit ere schöne, chline, herzige folg und verabschiedet eus au direkt wieder id summerpause 👋🏼🌴 mier beantwortet nomol euchi froge und verrotet es paar juicy gheimnis vo euch. es goht um feini babys, zuekunftsplän, betrüge, instagram, therapie und vieles meh. danke für alles, gnüüsed de summer und bis bald 😘

eschs die best folg wo mer je usegrätscht hend? nei. eschs aber eifach en gueti folg? eigentlich au ned. aber böööö, gehnd sie euch doch trotzdem bitte (👉🏼👈🏼), ehr hend jo eh nüt bessers z tue (no front) 😘 s goht eigentlich um nüt. und während dem nüt ums weltall, um magerquark, aliens, schlechti uni-täg, familietraditione und kabutti stüehl. und nur so 0.1% um feminismus i de legste 10 sekunde. stay with us und lönd euchi lümmels uf erde. wir grüssen eure boobs. m und e. 👽

bizli ufem balkon chillen, bizli über meetings mit menners rede, über wahnsinnig originelli blondinewitz, über müed usgseh, über dummi kommentär über s müed usgseh, über menstruationsmäuse, über augekontakt, über st. galle. und bizli prosecco sippen. also eigentlich alles wie immer. und schicket euch au wie immer viel liebi, ihr nicen humans 😘

buongiorno a tutti. mer nehmet mol weder amne fritig uf was unweigerlich zu rosé führt was wiederum unweigerlich zu vill gelächter aber au deeptalk führt 🙃 drum nehmet euch selber es glas vo dem rosa glück (oder au eifach wasser esch ok, stay hydrated 💧) und setzet euch wenigstens in gedanke mit eus an chuchitisch, wo mer das mol ganz viel über konsens redet, aber au über dildobstellige, monoco, fründschafte und vieles meh woni mi aber grad nöm chan dra erinnere. salve 🎤, m und e.

hallogrüeziundbonjour. 👋🏼 hemmer lausanne überlebt? het lausanne eus überlebt? wie laufts so bi de gen z? was macht d eva amne produktive tag ussert en stund uf tiktok zverblöterle? wird d milena jemals fertig met erem studium? werom machet vätere büro? 🎩 noch all dene extrem relevante froge blibt nur no eini meh: wie machemer happyday uf eus ufmerksam? @dudemitgrauehoorvomsrf: get a grip & hit us up! 📺 kuss ufd stirn (für euch und ned för de srf-typ), eva und milena 🥰 zu de empfehlige: Zeit Online Ist das normal? - "Die Pille wird viel zu oft als alternativlos diskutiert" Wissen Weekly - Frauenquote: Was verändert sie wirklich?

d milena esch vom coronazug (tschuutschuu 🚂) entloh worde, juhuu 🥳 mer tönet zwar beid nochli heiser und rotzet no meh als schosch is mikrofon, verzellet euch aber trotzdem gern vo netflixentdeckige, neue jobs und paranoide gedanke. uf de ersti rant vo de eva müend ehr nur ca. 5 minute warte. usserdem erfahret ehr, werom d milena en tierarzt bezüglich pissoirs alügt 🐔 lueget uf euch und zeiget viel liebi förd ukraine und die ganzi welt. 💙💛

wasssuuuup. d eva esch hässig - zwar ned i dere folg aber eifach generell. falls euch mol öper aschreit in züri esch es zu 99% sie. sorry för das. deför het sie dank erere neue analduschi en ultrasuubere und happy po. d milena esch au debi, redet aber wiedermol hauptsächlich über de felix lobrecht und podcasts. also nüt neus vo dere siete. mier hoffet dass sich de dude vo galaxus beruhigt het, zwinkeret de palina rojinski zue, sind begeisteret vo zugkondukteur*inne und erere balance und wünschet eus zdf neo zrugg. machets guet und laufet bitte schneller ide migros. lg, e und m. zu de empfehlige: nina kunz - ich denk, ich denk zu viel kristen roupenian - cat person diversity.unibasel

LEUDDEEEEE, die folg esch speziell 👀 mier hend en legendäri 👏🏼 en wundervolli 👏🏼en krassi (im beste sinn) 👏🏼 en beeidruckendi ersti gästin bi eus! d luana barra aka. mama haft nimmt eus mit id welt vom düütschrap, wo sie sich dank jugendjohre in baggies, gfühlt 105 imaginäre beziehige zu dütschrapper*inne und ere mega spannende bachelorarbet meh als guet uskennt! zeme redemer über sexismus ide rapszene, über d frog öb kunst vom künstler*de künstlerin trennt werde chan und öb de luana eres mami mittlerwiile weiss was fisting esch 🤛🏼 mer hend fest freud gha dass d luana als treui glichzitig-hörerin die folg mol ned nur lost, sondern sie mitgstaltet. gönnet euch! 🥰 💜 zu de empfehlige: Sexism Is A Bitch (Intro) | zqnce Von Unterschieden gezeichnet? | Sexism Is A Bitch - Kapitel 1 | zqnce Die HipHop Kultur | Sexism Is A Bitch - Kapitel 2 | zqnce Geschmack vs. Kunstfreiheit | Sexism Is A Bitch - Kapitel 3 | zqnce Wo fängt Sexismus an? | Sexism Is A Bitch - Kapitel 4 | zqnce Tools | Sexism Is A Bitch - Kapitel 5 | zqnce Outro | Sexism Is A Bitch - Kapitel 6 | zqnce

yeees mier sind wiedervereint 🥳 statt unterbrüch weg schlechter internetverbindig gehts umarmige und ganz viel glächter. inhalt esch wiedermol schwierig klar z definiere. aber wenn euch ergenöpis im rahme vo zuekunftsängst, bluemeusstellige, homöopathie-chügeli, pendel-schwinge, ursulas, workaholics oder zalando interessiert denn wördi JETZT uf play drücke. JETZT!!! danke und bye, ehr herzige grätschis 🙃 zu de empfehlige: SRF Kultur - Barbara Bleisch () über Gender-Sternchen & Co Podcast Folg "Ist das normal?": "Ich ertappe mich auch, wie ich Frauen nach ihrer Fuckability bewerte"

frisch geboostert simmer au im 2022 wieder da mit hässige rants, okay gschichte und ere mischig zwösche gelaber und feminismus 🎉: new years resolutions, chrüüzfahrte, netflixserie, ghosting, fraue und finanze, carearbeit, brieffründschafte und dry january. guets neus jahr a all eusi grätscher*inne 💜 zu de empfehlige: https://www.ellexx.com/de/ Podcast SRF Input - Die Abschaffung der Geschlechter - ein Gedankenexperiment Podcast SRF Kultur - Talk mit Franziska Schutzbach. Erschöpfte Frauen? Uff! Podcast Finanzen mit Franzi

bonjour mes amis. die folg goht vor allem an frankrich 🥐 frankrich, machsch mit? usserdem redemer über mexiko, meetings, 14 berge, d frida kahlo, die schöne und das biest und arbetslosigkeit. es erwartet euch also weder mol en guete mix inklusive technische störige 🦾 alles wie gewohnt - you know us. schöni wiehnachte und bis bald, eva und milena🎄

zäggggg. regelmässigi folge usehaue? chömmer! 😎 d eva het sich vorher extra d nase putzt damet sie ned zu vell rotzt (danke förs feedback) und d milena het sich sogar vorbereitet (whuuut)! gönnet euch 50 minute wo mer d shirin david för eres neue album hypet (late to the party 🎊), de stadt züriiii för chostelosi STD-tests es chrönli bindet (👑) und dröber redet wievell es periodelebe chostet (vell 🏦). nocheme chorze abstecher zum joe exotic gohts direkt zu de simone de beauvoir. wenner wennd wösse wer vo dene beide feministischer esch, loset die folg. ok und jetzt drücket uf play und winket alli richtig kanada zu de eva - sie esch weder zrug bi de ahornsirupschlürfende elchs 👋🏼

hola chicas und chicos. heit iehr lämpe? 👀 mier ned, mier hocket eus sogar tatsächlech mol wieder gegeüber. so rechtig im gliche ruum und so. crazy. leider nur för ein woche well d eva d milena denn scho weder verloht 🥲 mer verzellet euch über bettwanze, hooters-bsüech, d befreiig vom aargau und dont's bimne one night stand. merks der, marius. danke. 🤝 usserdem esch d eva mol weder im tram agschroue wurde und d milena hets gschafft bis jetzt no kein einzigi chatz umzbringe (im gegesatz zu erem mami). lenget alli schnell holz a bitte! 🪵 mer gnüüsets zum wiedermol so richtig chönne zeme labere und hoffet ehr hend au chli spass bim zuelose. bis bald 💜

d eva esch weder ide schwiz. und zwar ide tüüfste tüüfene vo de schwiz. drom glich no remote 🥲 und welll d milena kei ziit het zum 50 stund metme adler is münstertal z flüge, wartet sie ungeduldig uf es baldigs treffe in züri und au uf eri iladig is luzerner rugbyteam 🏉 mier redet über femizid statt beziehigsdelikt, kanadischi höflichkeit statt zürcher hooligans und de rhyfall statt asie. ah und falls er euch für brochni rippi, verlorni marshall-chopfhörer oder schaffhuse interessieret, denn esch das au DIE folg för euch. komischi interessene, aber you do you. bis bahaaaald 💜

Saleeeey. d eva chunnt bald wieder hei und das esch somit eusi legsti folg mit müehsamem ziitunterschied und webcam statt gmeinsamem trinke und umarmige. juhuui. 🤩 d eva esch hässig und d milena übermüedet, velecht semmer eus au drom bi ganz vellem ned ganz einig. 🤔 chamer met crocs anen hochziit? wie cool esch halloween? was bringt meh; journaling oder medikament? was esch besser; herr der ringe oder horrormfilm? und wie blau darf en trinkfläsche sii?🥤 gönnet euch die legsti remote folg mit es paar infos zu indigenous peoples in kanada und de vorteil vo überdacht formulierte stelleusschribige für weniger gender bias 🧑🏽‍💻👩🏼‍💻 byeeeee 🧚🏼‍♂️

neue donnstig, neui glichzitig folg – wohoo! d eva verzellt euch vo erem neue housewife-lebe und unazählige jalapenos 🌶. d milena vo magische schloftablette und de virginia woolf, dere coole, feministische socke. usserdem erfahret ehr vo eusne erste traumbrüef, vo eusne unendlech unnötige kommunikationsstudium, wo eus met 27i orientieriglos zroglönd und vo de sabine rückert, wo eus die sorge chli nehmt und eus dezue motiviert, eus eifach uf jobs z bewerbe wo mer kei skills deför hend. wie männer halt 😉 ussert de vincent raven. de het unhinterfrogt alli skills vo de welt 🧙. zum schluss no en offizielle tipp: lönd euches perskindol ned ufem nachtteschli stoh. werum erfahrsch i dere folg. muchos lovos 💜

hoooooi. was machsch so? ready für en weltreis? 🌎 mier nehmed euch mit zu mental breakdowns i de kanadische wildnis, zu schlechte hürotsaträg im rote meer und de philippine, denn direkt uf bern zu müehsame geronimos und uf indie zu fraue wo geg d pille kämpft hend. 💊 und well das ned scho gnueg themene send und mier in laberschwall chömed gohts au no um toxischi beziehige, solidarität mit opfer vo sexueller gwalt, gaslighting, imperialistische feminismus und legendäri mtv-sendige. schnapp der dini chopfhörer, streck dini bei und los eusne huester und lacher zue. kuss uf dini stirn. 💜

moinmoin a alli fellow grätscher*inne. die folg loht sech i eim wort zämefasse: sorreyyyyyy. d milena het leider zerst kei stimm und denn kei internet gha - eher schlechti vorussetzige för en podcast. drom die unerwarteti pause. und au die folg wird chorz well d eva esse in plastiksäck abfölle und es buech öber fischfang lese muess 🎣 .ab nöchst woche gohts denn aber weder in normaler regelmässigkeit und längi witer. usser d eva esch vomne bär gfresse worde oder het sich för immer im wald verlaufe (2x wohrschinlechkeit ca. bi 90%, bitte alli 1x holz alenge). vorschläg för neui podcast-partner*inne förd milena send willkomme. bis nöchst woche, mer send weder dooooo und freuet eus. 💜

welcome back 👋🏻 mol wieder e neui folg vo euchem lieblingspodcast. es goht 2 minute bis d milena checked dasses afoht, 10 minute bis d eva euch seit dass iehr offiziell nüm müend verhüete (joke, julia, es ist ein joke), 40 minute bis mer zu de afangsfrog chömed und am schluss wartet denn au no en riesige, intensive, schöne rant uf euch 😍 usserdem erfahret iehr vo de eva werum mer meh über HPV settet rede, werum d milena sich nur all 3 jahr en neue bh chauft und werum mer für weniger schluuchbööter uf gsichter sind 🚤 mier hoffet iehr hend viell spass bim lose. en liebe gruess a alli, ussert a die, wo nei stimmet bi de „ehe für alle“. danke, viele dank. 💜