Sächsfoif – GCZ-Fan-Podcast

Ih dere Episode vom Sächsfoif GCZ-Podcast hämmer en spannende Gast: De Elvir Zukaj. Mir reded mit ihm über sini Fuessballreis, vo de erschte Schritt ih de Region bis id Profi-Ziit bim Grasshopper Club Züri. Er verzellt, wie alles agfange hätt, was ihn als junge Spieler prägt hätt und wie de Übergang vom Amateur- zum Profifuessball für ihn gsi isch. Natürlich gömmer au uf sini Zit bim GCZ ih, wo er sini erste Erfahrige 1. Mannschaft gmacht hätt und wänn gnau de Moment cho isch, wo er gmerkt het: «Jetzt bin ich wüki aacho.» Mir reded au über sini physische Präsenz als Inneverteidiger, wer ihn uf sim Weg unterstützt hätt und wie er sich taktisch und mental witerentwicklet. Es git au en persönliche Ihblick ih sini Erfahrig mit de albanische Nationalmannschaft, eh speziells Kapitel für ihn und sini Familie. Aktuell spielt er bim Bahlinger SC in Dütschland, drum luegemer au, was ihn zu dem Schritt bewegt hätt und was sini Ziel für d Zuekunft sind. Zum Schluss wirds no chli persönlicher: Was wür er mache ohni Fuessball? Und wie wür er reagiere, wenn GC Züri morn wieder würd ahlüte? (Bildquelle: GCZ) Du bisch no keis Mitglied vo de GC Züri Fuessball Sektion? Denn chasch dich ⁠⁠⁠⁠⁠jetzt unter dem Link ahmelde⁠⁠⁠⁠⁠. Nöd vergesse: Folg em⁠⁠ ⁠⁠⁠Instagram-Kanal vom GCZ-Podcast Sächsfoif⁠⁠,⁠⁠⁠ zum kei Neuigkeite z verpasse, rund um euse Herzensclub! Viel Spass und Hopp GCZ! #DeEchtiStadtclub #FirstClubInTown #GCIschZüri

De Dario, de Luca und de Stephan nehmed keis Blatt vors Muul und reded offe über alles, was aktuell bi GC Züri lauft. Mir zelebriered eusi Schwiizer Curlerinne aber reded au drüber was im Fuessball falsch lauft. Eh Episode voller Gegesätz. Vom historische WM-Gold vo de GCZ-Curlerinne über d Nachwuchs-Teams bis zu de GC Züri-Spieler im Nationalteam, mir luegeds gmeinsam ah. Im GCZ-Forum teilemer eusi Meinig zum Alain Sutter, em Trainerwechsel und was grad bim Verein schief lauft. Natürlich erwähnemer au d 5:0-Klatsche gegen SFC und diskutiered, wies im Team lauft, wos brennt und wo neui Energie nötig isch. Du bisch no keis Mitglied vo de GC Züri Fuessball Sektion? Denn chasch dich ⁠⁠⁠⁠⁠jetzt unter dem Link ahmelde⁠⁠⁠⁠⁠. Nöd vergesse: Folg em⁠⁠ ⁠⁠⁠Instagram-Kanal vom GCZ-Podcast Sächsfoif⁠⁠,⁠⁠⁠ zum kei Neuigkeite z verpasse, rund um euse Herzensclub! Viel Spass und Hopp GCZ! #DeEchtiStadtclub #FirstClubInTown #GCIschZüri

Am 16. März 2026 ischs also beschlosseni Sach: GC Züri zieht d Reisslinie und trennt sich vom Trainer Gerald Scheiblehner. Im GCZ-Fan-Podcast Sächsfoif reded de Dario, de Luca und de Stephan über de Wechsel zu de U21-Coaches Messner & Gashi, und teiled ihri Meinig zu dem Entscheid. In Züri bliebts nöd ruhig, Trainerbebe, kei klari Sicht id Zuekunft was d Tabellesituation ahbelangt und no en herbe Dämpfer. Denn au s Spiel zwüsched de Berner Oberländer und em Grasshopper Club Züri, isch nöd ah eus verbi gange. Mir reded im Spielrückblick über d Partie und lueged vorwärts ufs kommende Wuchenend. Du bisch no keis Mitglied vo de GC Züri Fuessball Sektion? Denn chasch dich ⁠⁠⁠⁠⁠jetzt unter dem Link ahmelde⁠⁠⁠⁠⁠. Nöd vergesse: Folg em⁠⁠ ⁠⁠⁠Instagram-Kanal vom GCZ-Podcast Sächsfoif⁠⁠,⁠⁠⁠ zum kei Neuigkeite z verpasse, rund um euse Herzensclub! Viel Spass und Hopp GCZ! #DeEchtiStadtclub #FirstClubInTown #GCIschZüri

Ih dere Sächsfoif-Episode vom GCZ-Fan-Podcast isch de Nachwuchstrainer Nikola Marunić z Gast. De aktuelli Trainer vo de U17 bim FC Basel redet über sin Weg im Fuessball, sini Philosophie als Trainer und sini Erfahrige im Schwiizer Nachwuchsfuessball. Mir rede mit ihm über sini Chindheit zwüsched Belgrad und de Schwiiz und wie die zwei Kulture sini Persönlichkeit und sini Sicht uf de Fuessball prägt hännd. Usserdem verzellt er, wieso er scho relativ früeh gmerkt hätt, dass er lieber Trainer wird als selber ufem Platz staht. En grosse Teil vo de Episode gahts um sini Ziit bim Grasshopper Club Züri, wo er d U19 und d U21 trainiert hätt. Er redet über d Herusforderige im Nachwuchsberiich und über d Spielerentwicklig. Debi chunnt au d Entwicklig vo de Spieler wie em Yannick Bettkober, em Leart Kabashi, em Simone Stroscio und Tugra Turhan zur Sprach. Mir diskutiered au über taktischi Theme: zum Biispiel weli Rolle es System wie s 4-3-3 ih de Spielerentwicklig spielt und was für Unterschied es git zwüschem Trainiere vonere U21 und ere Profimannschaft. Usserdem redet de Marunić über sini Statione im Schwiizer Fuessball, unter anderem bim SC Kriens und Concordia Basel und was er vo jede Station als Trainer glernt hätt. Zum Schluss git er no wertvolli Ratschläg für jungi Trainer und Spieler, wo im Schwiizer Fuessball öppis erreiche wännd. Eh spannendi Episode über Nachwuchsarbet, Trainerphilosophie und d Entwicklig vo junge Talent im Schwiizer Fuessball. Bitte entschuldiged d Tonproblem ih de erste Minute. Viel Spass und Hopp GCZ! #DeEchtiStadtclub #FirstClubInTown #GCIschZüri

Ih dere Episode vom Sächsfoif-GCZ-Podcast reded de Stephan, de Dario und de Luca über aktuelli Theme rund um GC Züri. Mir stelled de neui GCZ-Fanclub mitem Name "The Unbroken 1886" vor und verzelled, wie d Idee entstande isch und was mir demit vor hännd. Gmeinsam nach em Grundgedanke: "You'll never walk alone". Usserdem redemer über d GC Sektionsversammlig mitem Ex-Podcast-Gast Vero Salatic, sowie über de Flohmarkt vorem Lausanne-Match. Mir lueged au voruus uf de GC-Forum vom 19. März 2026 und bespreched d Personalie rund um de neui Leiter Kommunikation Nicolas Brütsch, und euse erste Uustusch mit ihm am Studente-Event. Zum Schluss gönnd mir uf Frage vo de GCZ Community ih – unter anderem zum Formtüüf vom Asp Jensen und zur Diskussion, ob de Trainer no de richtig isch. Du bisch no keis Mitglied vo de GC Züri Fuessball Sektion? Denn chasch dich ⁠⁠⁠⁠jetzt unter dem Link ahmelde⁠⁠⁠⁠. Nöd vergesse: Folg em⁠⁠ ⁠⁠Instagram-Kanal vom GCZ-Podcast Sächsfoif⁠⁠,⁠⁠ zum kei Neuigkeite z verpasse, rund um euse Herzensclub! Viel Spass und Hopp GCZ! #DeEchtiStadtclub #FirstClubInTown #GCIschZüri

Ih dere Episode vom GCZ-Podcast redemer über die knappi 1:0 Niederlag in Basel. Viel Spass und Hopp GCZ! #DeEchtiStadtclub #FirstClubInTown #GCIschZüri

De GCZ-Podcast isch nominiert für de Suisse Podcast Award 2025! ⁠⁠Und jetzt bruchemer dini unterstützig: Unter dem Link chasch für „Sächsfoif“ abstimme.⁠⁠ So gahts: Es münnd 2 Podcasts usgwählt werde, Name und E-Mail-Adresse münnd ihgeh wärde. Wichtig: Unterem Buechstabe „S“ bitte „Sächsfoif“ ahklicke, wie au en zweite Podcast wo nüt mit Sport z tue hätt. Herzliche Dank für dini Unterstützig. Im GCZ-Podcast Sächsfoif reded de Dario de Luca und de Stephan über de ersti Sieg im Jahr 2026, mitem 1:0 über de FC Lugano. Obwohl GC Züri guet 70 Minute in Unterzahl gspielt hätt, sind doch d Stadtzürcher gsi wo die 3 Pünkt dörfed phalte. Doch wieso? Wie günntmer so en Match mit nödmal 30% Ballbsitz übers Spiel verteilt? Mir beantwortet die Frage und no vieles meh. Du bisch no keis Mitglied vo de GC Züri Fuessball Sektion? Denn chasch dich ⁠⁠⁠⁠⁠jetzt unter dem Link ahmelde⁠⁠⁠⁠⁠. Nöd vergesse: Folg em⁠⁠ ⁠⁠⁠Instagram-Kanal vom GCZ-Podcast Sächsfoif⁠⁠,⁠⁠⁠ zum kei Neuigkeite z verpasse, rund um euse Herzensclub! Viel Spass und Hopp GCZ! #DeEchtiStadtclub #FirstClubInTown #GCIschZüri

Im GCZ-Podcast Sächsfoif reded de Dario und de Stephan mit em „Campus-Mami“ Karin Hug , dä Frau, wo jahrelang s Internat vom Grasshopper Club Zürich prägt hätt. Wie gseht de Alltag im Nachwuchs wüki uus?Wie viel Disziplin, wie viel Herz bruuchts im Umgang mit junge Talent? Und was unterschätzt mer am meiste am Weg zum Profi? D Karin git en ehrliche Iblick ih s Läbe vom Campus, zwüsched Ämtliplan und Ersatzfamilie, zwüsched Druck vo obe und Träne im Zimmer. Sie redet über Charakter vs. Talent, über Eltere, über Grenze setze und über früehi Begegnige mit Spieler wie em U17 Weltmeister Haris Seferovic, Nassim Ben Khalifa oder au Pajtim Kasami. Eh emotionali Folg über de Nachwuchs, über d Verantwortig und d Frag, was wüki zellt uf em Weg bis zum Profi. Du bisch no keis Mitglied vo de GC Züri Fuessball Sektion? Denn chasch dich ⁠⁠⁠⁠jetzt unter dem Link ahmelde⁠⁠⁠⁠. Nöd vergesse: Folg em⁠⁠ ⁠⁠Instagram-Kanal vom GCZ-Podcast Sächsfoif⁠⁠,⁠⁠ zum kei Neuigkeite z verpasse, rund um euse Herzensclub! Viel Spass und Hopp GCZ! #DeEchtiStadtclub #FirstClubInTown #GCIschZüri

De GCZ-Podcast isch nominiert für de Suisse Podcast Award 2025! ⁠Und jetzt bruchemer dini unterstützig: Unter dem Link chasch für „Sächsfoif“ abstimme.⁠ So gahts: Es münnd 2 Podcasts usgwählt werde, Name und E-Mail-Adresse münnd ihgeh wärde. Wichtig: Unterem Buechstabe „S“ bitte „Sächsfoif“ ahklicke, wie au en zweite Podcast wo nüt mit Sport z tue hätt. Herzliche Dank für dini Unterstützig. Im GCZ-Podcast Sächsfoif reded de Dario de Luca und de Stephan über die 1:2 Derbyniederlag zwüsched Züri und em FC. Doch nebed dem fiiremer au de grossi Erfolg vo eusne Handballerine. GC Amicitia Züri günnt zum zweite Mal de Cup, das mit 26:25 gege Brüehl SG. Du bisch no keis Mitglied vo de GC Züri Fuessball Sektion? Denn chasch dich ⁠⁠⁠⁠jetzt unter dem Link ahmelde⁠⁠⁠⁠. Nöd vergesse: Folg em⁠⁠ ⁠⁠Instagram-Kanal vom GCZ-Podcast Sächsfoif⁠⁠,⁠⁠ zum kei Neuigkeite z verpasse, rund um euse Herzensclub! Viel Spass und Hopp GCZ! #DeEchtiStadtclub #FirstClubInTown #GCIschZüri

De GCZ-Podcast isch nominiert für de Suisse Podcast Award 2025! ⁠Und jetzt bruchemer dini unterstützig: Unter dem Link chasch für „Sächsfoif“ abstimme.⁠ So gahts: Es münnd 2 Podcasts usgwählt werde, Name und E-Mail-Adresse münnd ihgeh wärde. Wichtig: Unterem Buechstabe „S“ bitte „Sächsfoif“ ahklicke, wie au en zweite Podcast wo nüt mit Sport z tue hätt. Herzliche Dank für dini Unterstützig. Ehrlich, reflektiert und mit ganz viel GCZ-Herz: D Luna Lempérière git im GCZ-Podcast Sächsfoif persönlichi Ihblick – über Captain-Verantwortig, Nati-Träum und s Balanciere vo Fuessball, Studium und Job. Mit spannende Frage vom Dario und em Stephan gahts um überraschendi Charakterzüg, stilli Momänt wo chuum öpper kennt, s Umgah mit Druck und schwierige Täg und drum, was wüki Selbstvertraue git uf em Platz. Du bisch no keis Mitglied vo de GC Züri Fuessball Sektion? Denn chasch dich ⁠⁠⁠⁠jetzt unter dem Link ahmelde⁠⁠⁠⁠. Nöd vergesse: Folg em⁠⁠ ⁠⁠Instagram-Kanal vom GCZ-Podcast Sächsfoif⁠⁠,⁠⁠ zum kei Neuigkeite z verpasse, rund um euse Herzensclub! Viel Spass und Hopp GCZ! #DeEchtiStadtclub #FirstClubInTown #GCIschZüri

De GCZ-Podcast isch nominiert für de Suisse Podcast Award 2025! Und jetzt bruchemer dini unterstützig: Unter dem Link chasch für „Sächsfoif“ abstimme. So gahts: Es münnd 2 Podcasts usgwählt werde, Name und E-Mail-Adresse münnd ihgeh wärde. Wichtig: Unterem Buechstabe „S“ bitte „Sächsfoif“ ahklicke, wie au en zweite Podcast wo nüt mit Sport z tue hätt. Herzliche Dank für dini Unterstützig. Im Podcast reded de Luca und de Stephan über s 0:0 zwüsched em FCSG und em Grasshopper Club Züri. Es zächi Partie bi herusfordernde Bedingige und lueged vorwärts ufs Derby am kommende Samstig. Du bisch no keis Mitglied vo de GC Züri Fuessball Sektion? Denn chasch dich ⁠⁠⁠jetzt unter dem Link ahmelde⁠⁠⁠. Nöd vergesse: Folg em⁠⁠ ⁠Instagram-Kanal vom GCZ-Podcast Sächsfoif⁠⁠,⁠ zum kei Neuigkeite z verpasse, rund um euse Herzensclub! Viel Spass und Hopp GCZ! #DeEchtiStadtclub #FirstClubInTown #GCIschZüri

Nöd verpasse: De Mobiliar Handball Cupfinal vo euse GC Amicitia Züri Fraue. (22. Februar, Winterthur) ⁠Hol dir jetzt d Tickets für de Handball-Cupfinal unter dem Link!⁠ Im GCZ-Podcast Sächsfoif reded de Luca und de Stephan über s Spiel vo Züri gege Luzern. GC Züri verlürt eh spektakuläri Partie in Luzern mit 3:4. Zweimal gönnd d Stadtzürcher in Füehrig, dur de Meyer und de Plange per Penalty und bechömmed beidi Mal schnäll de Usglich über. Ih de zweite Halbziit gits es Eigegoal vom Debütant Köhler zum 3:2 für de FCL, aber de Stroscio gliicht sofort wieder us. S entscheidende 4:3 schüsst de Ottiger ih de 76. Minute. Trotz Schluss-Offensive gits kei Pünkt für de GCZ. Wirds jetzt für de Coach-Scheiblehner eng? Jetzt die Episode nöd verpasse und innelose. Du bisch no keis Mitglied vo de GC Züri Fuessball Sektion? Denn chasch dich ⁠⁠jetzt unter dem Link ahmelde⁠⁠. Nöd vergesse: Folg em⁠⁠ Instagram-Kanal vom GCZ-Podcast Sächsfoif⁠⁠, zum kei Neuigkeite z verpasse, rund um euse Herzensclub! Viel Spass und Hopp GCZ! #DeEchtiStadtclub #FirstClubInTown #GCIschZüri

Nöd verpasse: De Mobiliar Handball Cupfinal vo euse GC Amicitia Züri Fraue. (22. Februar, Winterthur) ⁠Hol dir jetzt d Tickets für de Handball-Cupfinal unter dem Link!⁠ Ih dere Episode vom GCZ-Podcast Sächsfoif luegemer zrugg uf s 1:1-Unentschiede zwüsched em Grasshopper Club Züri und de BSC Young Boys im Letzigrund. Es isch es intensivs Spiel mit viel Kampf, eme spöte Usgliich in Überzahl und eme VAR-Entscheid ih de Nachspielziit, wo YB de Sieg no nimmt. Zerscht bringemer es paarNews rund um GC Züri: De 3:0 Derbysieg vo de GCZ Fraue U20, de 1:2-Uswärtssieg vo de GCZ Fraue in Basel und en Reminder zum Cupfinal vo GC Amicitia Züri. Ahschlüssend besprechemer intensiv s Spiel vo GC Züri und blicked vorwärts uf die nögste Täg. Du bisch no keis Mitglied vo de GC Züri Fuessball Sektion? Denn chasch dich ⁠⁠jetzt unter dem Link ahmelde⁠⁠. Nöd vergesse: Folg em⁠⁠ Instagram-Kanal vom GCZ-Podcast Sächsfoif⁠⁠, zum kei Neuigkeite z verpasse, rund um euse Herzensclub! Viel Spass und Hopp GCZ! #DeEchtiStadtclub #FirstClubInTown #GCIschZüri

Im GCZ-Podcast Sächsfoif reded de Luca, Dario und de Stephan über de 4:3-Cup-Sieg nach Verlängerig gäge Sion– Cup-Magie puur. Thema sind d News rund um de Klub: Rücktritt vo de Stacy Johns als CEO/Präsidentin, John Thorrington wird neue VR-Präsident, plus s GCZ Fraue-Derby vo de U20 (7. Feb, Campus) und de Mobiliar Handball Cupfinal vo euse GC Amicitia Züri Fraue. (22. Februar, Winterthur) Hol dir jetzt d Tickets für de Handball-Cupfinal unter dem Link! De Dario analysiert d Ufstellig vo Sion und fasst s Spiel zämme, de Luca bringt d GCZ-Ufstellig. Zämme diskutieremer d Schlüsselszene vo beidne Halbziite, es Fazit und küred wie gwohnt, de Sächsfoif Man of the Match. De Abschluss mitem Usblick uf YB – GC Züri lebt, dä Cuphalbfinal isch wieder blau-wiiss. Du bisch no keis Mitglied vo de GC Züri Fuessball Sektion? Denn chasch dich ⁠jetzt unter dem Link ahmelde⁠. Nöd vergesse: Folg em⁠ Instagram-Kanal vom GCZ-Podcast Sächsfoif⁠, zum kei Neuigkeite z verpasse, rund um euse Herzensclub! Viel Spass und Hopp GCZ! #DeEchtiStadtclub #FirstClubInTown #GCIschZüri

GC Amicitia Züri staht zum erste Mal sit de Fusion vo ZMC Amicitia Züri und GC Züri Handball im Cup-Final! Mit eme starche 27:20-Sieg gege d Spono Eagles sichered sich d Zürcherinne am Samstigabig de Finalihzug und treffed det uf de amtierendi Meister LC Brühl Handball. Jetzt bruchts eus GCZ-Fans: Gmeinsam gömmer am 22. Februar uf Winterthur an Cupfinal für de Stadtclub us Züri! Tickets sind abem Mittwuch, 4. Februar 2026 verfüegbar. De GCZ trennt sich im Letzigrund 1:1 vom FC Lugano. D Tessiner sind vo Afang ah die spielbestimmendi Mannschaft, hännd sehr viel Ballbsitz und mached Druck, doch d Zürcher chönnd sich uf en überragende Justin Hammel im Goal verlah. Im GCZ-Podcast Sächsfoif reded de Stephan und de Dario intensiv über s Spiel und über de GC Züri-Goalie wo über sich ussewachst. Offensiv bringt euse Grasshopper Club Züri ih de erschte Halbziit lang chuum öppis z stand. Lugano isch dominant, aber z wenig konsequent vorem Goal, so gahts mit eme 0:0 i d Pause. Au nach em Sitewächsel hätt Lugano meh vom Spiel und chunnt ih de 62. Minute verdient zu de Füehrig: Nach eme schnäll usgfüehrte Freistoss schiebt de Renato Steffen zum 0:1 ih. Lugano hätt de Vorsprung nachher chönne usbaue, verpasst aber mehreri gueti Chance. Ih de Schlussphase bäumt sich GC Züri nomal uf, wird muetiger und üebt Druck uus. Und dä wird belohnt: Ih de 85. Minute trifft de 21-jährigi Samuel Krasniqi mit sim erschte Super-League-Goal zum viel umjublete 1:1-Usgliich. Churz vor Schluss gseht de Tessiner Mahmoud nach VAR-Entscheid no Rot, doch am Resultat änderet sich nüüt meh. Unterem Strich es grächts Unentschiede: Lugano isch über langi Phase besser, Züri zeigt Moral und holt sich mit ere starche Schlussphase en wichtige Punkt im Letzigrund. Du bisch no keis Mitglied vo de GC Züri Fuessball Sektion? Denn chasch dich jetzt unter dem Link ahmelde. Nöd vergesse: Folg em Instagram-Kanal vom GCZ-Podcast Sächsfoif, zum kei Neuigkeite z verpasse, rund um euse Herzensclub! Viel Spass und Hopp GCZ! #DeEchtiStadtclub #FirstClubInTown #GCIschZüri

De Luca und de Stephan lueged zrugg uf s 1:1 zwüsched Lausanne-Sport und GC Züri und ordned d Leistig im GCZ-Podcast Sächsfoif vo de Hoppers ehrlich ih. Denn gahts um de überraschendi Transfer: De Michi Frey isch zrugg ih de Schwiiz, und das bi GC Züri, was er sportlich bringt und wieso er für d Stadtzürcher jetzt wichtig isch. Au nebem Platz lauft öppis: Radio 24 isch de neu Mediepartner vom GCZ. Zum Schluss redemer au no über s Trainer-Thema: Stephan Lichtsteiner isch de neu Coach bim FCB. Mit sinere GC-Vergangeheit natürlich es spannends Kapitel. Viel Spass und Hopp GCZ! #DeEchtiStadtclub #FirstClubInTown #GCIschZüri

Was söll mer da no säge. Dä Rückrundestart im Letzigrund isch für eus GC Züri-Fans en Schlag id Magegrueb gsi. 1:3 verlürt Züri gege de Leader Thun, und leider muess mer säge: Das Resultat isch no gnädig. Im GCZ-Podcast Sächsfoif redemer gmeinsam über d News vo GC Züri, s Statement vo eusere Kurve und selbstverständlich d Spielanalyse. Thun het eus vo Afang ah de Schneid abkauft. Nach nöd mal 10 Minute stahts scho 0:2, und beidi Goal entstönd nach lange Bäll, wo eusi Defensive sehr alt usgseh hätt. D Abstimmige i de Verteidigung hennd nöd passt, d Rüm zwüsched Mittelfeld und Verteidigung sind gross gsi und Thun hätt das gnadenlos usgnutzt. Offensiv isch das eh mageri Chost gsi. Mir hännd kein Rhythmus gfunde, kei Tempo gha, kei Idee im letschte Drittel. De erschti richtigi Abschluss chunnt erscht nach über 25 Minute, das seit eigentlich scho alles. Thun hätt kontrolliert, mir sind hinedrigloffe. Taktisch gseh: Viel z passiv, z wenig Pressing, z vill Abstand zwüsched de Linie. D Berner Oberländer hännd mit simple Mittel wie de lange Bäll, schnells Umschalte, alles im Griff gha. Mir hännd kei Lösig gfunde, und das isch ehrlich gseit beunruhigend. Das isch z wenig. So chammer keis Spiel günne, vor allem nöd gege de Leader. Mir bruuched meh und es brucht eus, gmeinsam uf Lausanne für eusi Liebi! Viel Spass und Hopp GC Züri! #DeEchtiStadtclub #FirstClubInTown #GCIschZüri

Ih dere Episode vom GCZ-Podcast Sächsfoif redemer churz über s Testspiel gege de 1. FC Nürnberg, wo nach 3 Halbziite mit 7:1 verlore gange isch. Dezue thematisieremer d Ahreis wie au de Spieltag und de Usflug uf Nürnberg, und welli Fans au mal uf Züri chömmed. Da gahts zum Spielbricht vom 1. FC Nürnberg und unter dem Link findsch de Spielbricht vom Grasshopper Club Züri. Folg eus doch uf Instagram um kei Neuigkeite z verpasse. Viel Spass und Hopp GC Züri! #DeEchtiStadtclub #FirstClubInTown #GCIschZüri

Ih dere Episode vom GCZ-Podcast Sächsfoif redemer mit em Frank Strobel, em Präsident vo GC Unihockey, über Macht, Zweifel und Entscheid, wo me vo use nie gseht. Mir lueged zrugg zu sim erste Kontakt zu GC Züri, reded über sini Amtszit sit 2022, und fröged eus: Isch das Team grad im Flow oder scho ide heisse Phase vom Match? De Frank verzellt eus offe über heikli Entscheid, wo lang im Chämmerli brodled händ, über Momänt, wo d Realität vom Präsidente-Job andersch usgseh hätt als er sich das vorgstellt hät, und über das, was er am Schwiizer Unihockey-System ehrlich freut. Mir gönnd ih d Tüüfi: Wie vill Buchgfühl bruucht d Führig hüt no? Wo stösst Tradition ah ihri Grenze? Und was isch schwieriger, sportlichi Ambitione z bremse oder d Erwartige vom Umfeld z manage? Zum Schluss wird s persönlich und vorusluegend: Was hät de Frank über Füehrig glernt, wo ihm vorher nie so klar gsi isch, und was würd er sim Nachfolger uf de Weg geh, womer uf kei Fall unterschätze dörf? Es ehrlichs Gspröch über Verantwortig und GC-DNA. Viel Spass und Hopp GC Züri! #DeEchtiStadtclub #FirstClubInTown #GCIschZüri

Neus Jahr, neui Diskussione – mir sind zrugg mit ere frische Episode Sächsfoif, din GCZ-Podcast gaht jetzt scho is dritte Jahr! Mir lueged uf eusi Neujahrsvorsätz und mached en Abstecher nach Crans Montana. De Diaby und Hassane sind am Afrika Cup im Ihsatz, mir reded über de Transfer vo Tsimba vo YB zu GCZ und analysiered de Wechsel vom Lupi zu Nacional, was isch det schief gloffe? Zudem lueged mir uf eusi Stadtzürcher Unihockey Sektion - GC Unihockey im Cup-Halbfinal gege Rychenberg und de Trainingsstart mitem Amir Abrashi. Was beschäftigt eus aktuell ums Thema Hardturmstadion? Wo muess GC s Kader no verstärche, und was heisst das im Verglich zu LAFC und “Spend to win”? Mir diskutiered über de Sächsfoif Traum-Transfer, wo realistisch wär, eusi Erwartige a d Rückrundi, d Endplatzierig vo dere Saison und wo GC Züri ih de nöchste 2 Jahr stah chönnti. Zum Schluss gahts no um s Kommunikationsproblem vo GC Züri, Website, Social Media und de Uuftritt nach usse. Viel Spass und Hopp GC Züri! #DeEchtiStadtclub #FirstClubInTown #GCIschZüri